ह्यासगळ्याचा फायदा अचूक औषध निर्माण करण्यात झाला. श्री सबाजीराव ह्यांना आयुर्वेद विषयात असेलेली आवड त्यांना पुढे कृषी क्षेत्रात काम करण्यास प्रवृत्त करणारी ठरली. औषधे आणि त्यासाठी लागणारी झाडे, मुळे पानं, फुलं ह्यांची लागवड करताना त्यांना शेतीची आवड निर्माण झाली. त्यात ते रमले. शेतीचा आणि शेतीशास्त्राचा अभ्यास करताना त्यांनी काही अश्या गोष्टी शोधून काढल्या की ज्यामुळे शेतकऱ्याला फायदा झाला. लागवड असेल, औषध फवारणी असेल, तण व्यवस्थापन, कीड नियंत्रण ह्यावर त्यांनी सोप्या आणि कमी खर्चातल्या उपाययोजना शोधून सर्वदूर पोहोचवल्या. ह्यामुळे त्यांना कृषिभूषण हा सन्मान लाभला.

आज आयुर्वेदिक औषधांच्या बरोबरच कृषीक्षेत्रातही श्री सबाजीरावांचे नाव सुपरिचित आहे. आज महाराष्ट्रात गायकवाड आयुर्वेदिक क्लिनिक आणि रिसर्च सेंटरच्या औषधांचे जवळपास ५०हून अधिक डिस्ट्रिब्युटर आहेत. महाराष्ट्रात अहमदनगर, पुणे आणि पारनेर ह्या तीन ठिकाणी क्लिनिक आहेत. अनेक रुग्ण पोस्टाने, कुरियरने औषधे नियमितपणे मागवीत असतात. आजवर गायकवाड आयुर्वेदिक क्लिनिक आणि रिसर्च सेंटरच्या माध्यमातून ५० हजारांहून अधिक रुग्णांना औषधोपचार देण्यात आला आहे. कोरोना साथीत अनेक रुग्णांना घरपोच औषधे पाठवून बरे करण्यात आले आहे.

आता गेल्या काही वर्षांपासून श्री सबाजीरावांचे सुपुत्र श्री राहुल गायकवाड ह्यांनी गायकवाड आयुर्वेदिक क्लिनिक आणि रिसर्च सेंटरची जबाबदारी स्वीकारली आहे. त्यांच्या दूरदृष्टीने गायकवाड आयुर्वेदिक क्लिनिक आणि रिसर्च सेंटर सर्वच पातळीवर घौडदौड करत आहे. औषधे तयार करण्यात एक निश्चित अशी सुसूत्रता, अचूक संशोधन आणि व्यवस्थापन, रुग्णांच्या माहितीनुसार, लक्षणानुसार औषध निर्माणात केलेला बदल ह्या सगळ्या गोष्टींकडे - श्री राहुल गायकवाड हे नीट लक्ष ठेवून आहेत.

तीन पिढ्यांच्या ह्या आरोग्यसेवेचा लाभ अनेक रुग्ण घेत आहेत. आज गायकवाड आयुर्वेदिक क्लिनिक आणि रिसर्च सेंटरसोबत अनेक लोकं जोडली गेली आहेत. आमच्यासोबत खालील मंडळी देखील तनमनाने झोकून देऊन काम करत आहेत.